[transparentlogolink.gif] [transparentservicelink.gif] ______________ ស្វែងរក អត្ថបទសុទ្ធ | ជំនួយការ | English Home Page ខ្មែរ > នាទីប្រចាំសប្ដាហ៍ > នាទីកសិកម្ម ប្រេស៊ីលមានជោគជ័យជាងគេក្នុងការផលិតអេតាណុល ដោយ សាន សុវិទ្យ 2008-05-14 មានការទស្សន៍ទាយថា ប្រេងកាតនឹងឡើងថ្លៃដល់ ១៥០ ទៅ ២០០ដុល្លារក្នុងមួយធុង ធ្វើឲ្យកាន់តែមានការជំរុញឲ្យស្វះស្វែងរកប្រភពថាមពលប្រភេទមិនចេ ះរីងស្ងួតមកជំនួសសាំង ។ ក្នុងពេលជាមួយគ្នានោះ ការព្យាយាមនៅសហរដ្ឋអាមេរិកយកអេតាណុលធ្វើពីពោតមកជាឥន្ធនៈ ក៏បែរជាកំពុងទទូលរងការរិះគន់ខ្លាំងក្លា ថា ជាមូលហេតុធ្វើឲ្យស្បៀងអាហារឡើងថ្លៃយ៉ាងគំហុក ។ ក្នុងចំណោមប្រទេសដែលផលិតជីវឥន្ធនៈ គឺអេតាណុលមកជំនួសសាំងសម្រាប់ប្រើក្នុងយានជំនិះ ប្រទេសប្រេស៊ីលនៅទ្វីបអាមេរិកខាងត្បូង មានជោគជ័យជាងគេ ។ ក្រៅពីផលិតសម្រាប់ប្រើប្រាស់ក្នុងប្រទេសហើយ ប្រេស៊ីលនៅនាំអេតាណុលចេញទៅលក់ឲ្យជប៉ុន ស៊ុយអែដ និង អាមេរិក ថែមទៀត ។ ខុសពីសហរដ្ឋអាមេរិកដែលផលិតអេតាណុលពីគ្រាប់ពោតនាំឲ្យមជ្ឈដ្ឋានខ ្លះចោទថា ជាអ្នកធ្វើឲ្យមានការខ្វះខាតស្បៀងក្នុងពិភពលោក ប្រទេសប្រេស៊ីលយកអំពៅមកគាបចម្រាញ់ជាអេតាណុល ។ កាលពីឆ្នាំ១៩៧៣ សង្គ្រាមនៅមជ្ឈិមបូព៌ាបាននាំឲ្យមានកង្វះប្រេងសាំងយ៉ាងខ្លាំង បន្ទាប់ពីប្រទេសអារ៉ាប់នាំគ្នាបិទអណ្ដូងប្រេងរបស់ខ្លួនមិនបូមចេ ញមកលក់ ។ ប្រទេសប្រេស៊ីលដែលនាំចូលប្រេងកាត ៨០%នៃតម្រូវការរបស់ខ្លួន ត្រូវចំណាយ ៤០%នៃប្រាក់ចំណូលសម្រាប់តែទិញប្រេងពីបរទេស ។ លោកស្រី ស៊ូអានី កូអិលហូ អនុរដ្ឋមន្ត្រីក្រសួងបរិស្ថានប្រេស៊ីលមានប្រសាសន៍ថា ៖ «សាមសិបឆ្នាំមុន ខណៈដែលសាំងឡើងថ្លៃយ៉ាងឆាប់រហ័ស ហើយប្រេស៊ីលក៏ពឹងផ្អែកស្ទើរតែទាំងស្រុង លើការនាំចូលប្រេងពីបរទេស យើងច្បាស់ជានឹងជួបនឹងបញ្ហាសេដ្ឋកិច្ចធ្ងន់ធ្ងរជាមិនខានឡើយ ព្រោះតែការចំណាយទៅលើការនាំចូលប្រេងយ៉ាងច្រើនបែបនេះ ។ ដូច្នេះហើយ ទើបយើងចាប់ផ្តើមអនុវត្តកម្មវិធីផលិតអេតាណុលនេះឡើង» ។ អំពៅគឺជាដំណាំដែលប្រទេសប្រេស៊ីលអាចដាំបានលើផ្ទៃដីដ៏ទូលំទូលា យរបស់ខ្លួន ។ ប្រេស៊ីលមានដីនៅសល់ច្រើន មានបរិមាណទឹកភ្លៀងបរិបូណ៌ ហើយក៏មានតម្លៃពលកម្មថោកទៀតផង ។ ប្រេស៊ីល ជាប្រទេសនាំស្ករចេញទៅលក់បរទេសធំជាងគេក្នុងពិភពលោក ដោយមានដាំអំពៅលើផ្ទៃដីជាង ៦លានហិកតា ។ អ្នកដឹកនាំរបស់ប្រេស៊ីលមិនថា យោធាឬស៊ីវិល មានទស្សនវិស័យវែងឆ្ងាយណាស់ ។ នៅឆ្នាំ១៩៧៥ ប្រធានាធិបតីប្រេស៊ីល ឧត្តមសេនីយ៍ Ernesto Geisel បញ្ជាឲ្យសាំងត្រូវមានលាយអេតាណុលដែលជនជាតិប្រេស៊ីលហៅថា អាល់កុល នោះ ១០% ហើយក៏ចេះតែបង្កើនភាគរយនេះរហូតដល់ ២៥% ក្នុងរយៈពេល៥ឆ្នាំបន្ទាប់មក ។ នៅដើមទសវត្សរ៍ឆ្នាំ ១៩៨០ មេដឹកនាំថ្មីរបស់ប្រេស៊ីល ក៏បានចាត់វិធានការជាច្រើនទៀត ដូចជា ឲ្យក្រុមហ៊ុនស្ករ បង្កើនផលិតកម្ម បញ្ចុះពន្ធអាករដល់ក្រុមហ៊ុននាំចូលរថយន្តដែលមានម៉ាស៊ីនប្រើអេតាណ ុល ឬប្រើសាំងលាយអេតាណុល បង្គាប់ឲ្យក្រុមហ៊ុនសាំងដាក់គ្រឿងបូមអេតាណុលនៅតាមស្ថានីយបូមសា ំង នៅទូទាំងប្រទេស ជាដើម ។ ការផលិតអេតាណុលពីអំពៅ ងាយធ្វើជាងអេតាណុលដែលបានពីពោត ព្រោះអេតាណុលពីពោតត្រូវបំប្លែងពោតឲ្យទៅជាស្ករសិន ទើបចម្រាញ់ចេញជាអេតាណុលមួយដំណាក់កាលទៀត ។ អ្នកស្រី Monica Albers វិស្វករផ្នែកគីមីរបស់ក្រុមហ៊ុនផលិតស្ករនិងអាល់កុលប្រេស៊ីល ពន្យល់ថា ៖ «ទឹកអំពៅត្រូវបញ្ចូលទៅក្នុងអាងទុកឲ្យឡើងមេ គឺគេលាយទឹកអំពៅ ៧០% នឹង ដំបែ ៣០% ។ មេដំបែនេះហើយ ដែលបំប្លែងធាតុស្ករក្នុងទឹកអំពៅឲ្យក្លាយទៅជាអេតាណុល» ។ រថយន្តប្រើអាល់កុលគ្រប់ម៉ាក ជាពិសេស រថយន្ត វ៉ុលវ៉ាហ្កែន ជាទីពេញនិយមក្នុងចំណោមពលរដ្ឋប្រេស៊ីលជាពិសេស ព្រោះអេតាណុលថោកជាងសាំងដល់ទៅ ៣៥% ដោយសាររដ្ឋាភិបាលជួយគាំទ្រតម្លៃ ។ នៅឆ្នាំ១៩៨៣ ក្នុងឡាន ១០គ្រឿង គឺមាន៩គ្រឿង ប្រើអេតាណុល ។ ក៏ប៉ុន្តែ យោងតាមក្រុមហ៊ុនផ្តល់យោបល់ឈ្មោះ Datagro នៅចន្លោះឆ្នាំ១៩៧៩ និងពាក់កណ្តាលទសវត្សរ៍ឆ្នាំ១៩៩០ រដ្ឋាភិបាលប្រេស៊ីលចាំបាច់ត្រូវចំណាយប្រាក់ ១ម៉ឺន ៦ពាន់លានដុល្លារសម្រាប់ឲ្យក្រុមហ៊ុនស្ករ ខ្ចី និងសម្រាប់ជួយគាំទ្រតម្លៃអំពៅ ។ ឧបសគ្គធំមួយទៀតគឺនៅឆ្នាំ១៩៨៦ ក៏កើតមានការធ្លាក់ចុះនៃតម្លៃប្រងសាំងលើពិភពលោក ធ្វើឲ្យរដ្ឋាភិបាលជំពាក់បំណុល អង្គការមូលនិធិរូបិយវត្ថុអន្តរជាតិ (IMF) ដែលបង្ខំឲ្យប្រេស៊ីលឈប់ជួយចេញប្រាក់ទប់តម្លៃ អេតាណុល ឲ្យនៅថោកជាងសាំងនោះទៀត ។ អ្នកប្រើរថយន្តចាក់អេតាណុល ក៏នាំគ្នាងាកមកចាក់សាំងវិញ ។ ទោះជាយ៉ាងនេះក្តី ផ្នែកនានាទាំងរដ្ឋាភិបាល ទាំងឯកជន នៅតែបន្តគាំទ្រកម្មវិធីអេតាណុលតទៅទៀត ហើយតាមស្ថានីយបូមប្រេងក៏នៅតែមានម៉ាស៊ីនបូមអេតាណុលទុកឲ្យអតិថិជ នប្រើដដែល ដោយរដ្ឋយកពន្ធអេតាណុល តែ ៩សេន ក្នុង១លីត្រ តែយកពន្ធសាំងដល់ទៅ ៤២សេន ក្នុងមួយលីត្រ ។ ការដែលប្រេងកាតឆៅឡើងថ្លៃឥតឈប់ឈរក្នុងប៉ុន្មានឆ្នាំមកនេះ ក៏បានធ្វើឲ្យមានការងាកមកនិយមអេតាណុលឡើងវិញ ក្នុងចំណោមពលរដ្ឋប្រេស៊ីល ។ លោកស្រី ស៊ូអានី កូអិលហូ អនុរដ្ឋមន្ត្រីក្រសួងបរិស្ថានប្រេស៊ីលមានប្រសាសន៍ថា ៖ «ថ្មីៗនេះ យើងបានសម្រេចគោលដៅមួយទៀត គឺការបញ្ចេញឲ្យប្រើរថយន្តប្រភេទ Flex Fuel គឺប្រើប្រេងណាក៏បាន ។ រថយន្តប្រភេទនេះអាចបរបានដោយចាក់អេតាណុល ក៏បានចាក់សាំងក៏បាន ចាក់លាយអេតាណុល ក្នុងភាគរយណាក៏បាន ។ ដូច្នេះហើយ រថយន្តទាំងនេះ អាចបើកបរបាននៅគ្រប់ទិសតំបន់» ។ ខណៈដែលកំពុងមានការរិះគន់ការផលិតអេតាណុលពីពោត ជាពិសេស នៅសហរដ្ឋអាមេរិក ដែលត្រូវគេអះអាងថាបណ្តាលឲ្យកើតអតិផរណាតម្លៃស្បៀង ធ្វើឲ្យហីនហោចព្រៃឈើ នាំឲ្យបាត់បង់ប្រភពទឹក ព្រមទាំងធ្វើឲ្យបរិស្ថានកខ្វក់ផងនោះ ក៏បាននិងកំពុងមានការបណ្តាក់ទុនពង្រីកផ្ទៃដីដាំអំពៅយ៉ាងគំហុកន ៅប្រេស៊ីល ។ ទោះជាយ៉ាងនេះក្តី ផលិតកម្មជីវឥន្ធនៈនឹងត្រូវការពេលយូរឆ្នាំទៅមុខទៀត ទម្រាំនឹងអាចផ្គត់ផ្គង់តម្រូវការប្រេងរបស់មនុស្សបានក្នុងអត្រាដ ែលគួរឲ្យកត់សម្គាល់នោះ ដោយសារថា បច្ចុប្បន្ន ពិភពលោកត្រូវការប្រេងប្រមាណ ៨៦លានធុង តែពិភពលោកអាចផលិតអេតាណុល បានតែប្រមាណជាង ៩០ម៉ឺនធុងប៉ុណ្ណោះ ។ លោក Ken Cook ប្រធាននៃក្រុមការងារបរិស្ថានផ្នែកកសិកម្មដែលមានទីស្នាក់ការនៅវ៉ា ស៊ីនតោនមានប្រសាសន៍ថា មានហេតុផលសមរម្យដែលជំរុញឲ្យមានការស្រាវជ្រាវប្រភពផលិតឥន្ធនៈប្ រកបដោយនិរន្តរភាពដែលមិនមែនជាប្រេងកាតនោះ ក៏ប៉ុន្តែលោកតឿនថា យើងអាចនឹងកំពុងយកបញ្ហាអសន្តិសុខស្បៀងមកដាក់ជំនួសបញ្ហាអសន្តិសុ ខថាមពល ។ ទោះជាយ៉ាងនេះក្តី លោក Marcos Jank នៃសមាគមឧស្សាហកម្មអំពៅប្រទេសប្រស៊ីល មានប្រសាសន៍ថា ៖ «បើយើងមិនជំរុញអេតាណុលឲ្យឈានទៅមុខទេនោះ យើងនឹងនៅតែមានបញ្ហាស្តីពីសុវត្ថិភាពថាមពល ព្រោះថា ការប្រើប្រាស់ថាមពលក្នុងពិភពលោកចេះតែកើន លើសការផលិត ហើយយើងក៏នឹងមិនអាចដោះស្រាយបញ្ហាការផ្លាស់ប្តូរអាកាសធាតុបានឡើយ» ៕ Copyright © 1998-2011 Radio Free Asia. All rights reserved. [icon_printer.gif] បោះពុម្ព [icon_email.gif] អ៊ីម៉េល មតិ ចុចត្រង់នេះដើម្បីបន្ថែមយោបល់របស់អ្នក ឧបករណ៍រឿង [icon_speaker.gif] ស្តាប់សំឡេង [icon_download.gif] ថតសំឡេង [icon_email.gif] អ៊ីម៉េល [icon_storydownload.gif] ចម្លងរឿងនេះទុក [icon_emailSub.gif] ព្រឹត្តិបត្រព័ត៌មាន [icon_printer.gif] បោះពុម្ព [icon_addthis.gif] ចែករំលែករឿងនេះ អត្ថបទដែលទាក់ទង សារសំខាន់នៃការពង្រឹងកសិកម្មខ្នាតតូចនៅកម្ពុជា កសិករនៅខេត្តកំពតរៀបចំស្រែបណ្ដុះអំបិល កសិករនៅខេត្តកំពតរៀបចំស្រែបណ្ដុះអំបិលដើមរដូវ ឆ្នាំ២០១១ (រូបភាព) អង្គការ CEDAC ណែនាំកសិកររើសស្រូវពូជ ចិនគ្រោងសង់រោងចក្រផលិតប្រេងអេតាណុលធំមួយនៅបន្ទាយមានជ័យ រដ្ឋាភិបាលបង្ហាញបញ្ហាប្រឈម៨ចំណុចក្នុងការនាំអង្ករចេញ សមាគមម៉ាស៊ីនកិនស្រូវអំពាវនាវកុំឲ្យពលរដ្ឋផ្អើលទិញអង្ករទុក សង្គមស៊ីវិលអំពាវនាវឲ្យរដ្ឋាភិបាលយកចិត្តទុកដាក់ដល់ផលិតករខ្នាត តូច អាជ្ញាធរប្រកាសឲ្យកសិករនៅក្បែរទន្លេមេគង្គពន្យារការដាំដុះ ពលរដ្ឋនៅតាកែវខ្លះរកកម្រៃដោយការលីស្រូវឲ្យឈ្មួញវៀតណាម រឿងដែលគេអានច្រើនបំផុត * លោក ហ៊ុន សែន ចោទលោក ប៉ែន សុវណ្ណ ថាជ * ជនជាប់ចោទ នួន ជា៖ លោក ហេង សំរិន មានស * លោក ហ៊ុន សែន សារភាពថាកម្ពុជាទទួល * លោក ហ៊ុន សែន ព្រមានដកដីសម្បទានស * នាយករដ្ឋមន្ត្រីឲ្យឧកញ៉ា ណា ម៉ារឌ រឿងដែលគេអ៊ីម៉េលច្រើនបំផុត * ជីវិតស្រីឡង់សេ * លោក ហ៊ុន សែន ចោទលោក ប៉ែន សុវណ្ណ ថាជ * នាយករដ្ឋមន្ត្រីឲ្យឧកញ៉ា ណា ម៉ារឌ * ការផ្សាយផ្ទាល់ពីសាលាក្ដីខ្មែ * តុលាការបារាំងស៊ើបអង្កេតករណី [listennow.gif] * ខ្មែរ * អំពីវិទ្យុអាស៊ីសេរី * ព័ត៌មាន * ព័ត៌មានខ្លី * បទសម្ភាសន៍ * សង្ខេបព័ត៌មានប្រចាំសប្តាហ៍ * ពហុព័ត៌មាន * វីដេអូ * វេទិកាអ្នកស្ដាប់ * បទយកការណ៍ * នាទីប្រចាំសប្ដាហ៍ + កំណាព្យ + នាទីពលរដ្ឋវិជ្ជា * បណ្ណសារព័ត៌មាន [podbutton.gif] [rssbutton.gif] អាសយដ្ឋានអ៊ីម៉េលរបស់អ្នក ______________ Submit Khmer BLOG [bloglogo100] [twitter-thumb100] [youtube100] [facebook.jpg] Radio Free Asia 2025 M Street NW, Suite 300 Washington DC 20036, USA 202-530-4900 khmweb@rfa.org ជំនួយបច្ចេកទេស | ក្រមសីលធម៌ | រលកធាតុអាកាស | គោលការណ៍ប្រើ | ការសម្ងាត់ | គ្រោងគេហទំព័រ | ទាក់ទងយើងខ្ញុំ BBG.gov | វិទ្យុសំឡេងសហរដ្ឋអាមេរិក [footer_manlink.gif] | [footer_canlink.gif] | [footer_burlink.gif] | [footer_korlink.gif] | [footer_laolink.gif] | [footer_khmlink.gif] | [footer_tiblink.gif] | [footer_uyglink.gif] | [footer_vielink.gif] | [footer_englink.gif]