បច្ចេកវិទ្យាសប្ដាហ៍នេះមានអីខ្លះ! Trackback
ពីមួយសប្ដាហ៍ទៅមួយសប្ដាហ៍ ហេតុការណ៍ជុំវិញបច្ចេកវិទ្យាទាំងក្នុងស្រុក និងក្រៅស្រុកមានការវិវត្តន៍យ៉ាងច្រើនខុសៗគ្នា។ នៅសប្ដាហ៍នេះមានរឿងរ៉ាវអ្វីខ្លះកើតឡើងនោះ Sabay សុំសង្ខេបជូនដល់ប្រិយមិត្តដូចតទៅ៖
ក្រុមអ្នកស្រាវជ្រាវប្រចាំសាកលវិទ្យាល័យ Tulane ដែលមានទីតាំងស្ថិតនៅទីក្រុង ញូអៀឡេនស៍ រដ្ឋឡូសៀនណា សហរដ្ឋអាមេរិក បានចេញសេចក្ដីប្រកាសជាសាធារណៈថា ក្រដាសកាសែតចាស់ៗអាចចម្រាញ់ចេញជាប្រេងជីវឥន្ធនៈ ប្រើជំនួសឥន្ធនៈបាន។
នៅក្នុងនោះគេបានបញ្ជាក់ថា ប្រភេទបាក់តេរីថ្មី និងប្លែកម្យ៉ាងដែលត្រូវបានក្រុមអ្នកស្រាវជ្រាវរកឃើញគឺ មានឈ្មោះថា «TU-103»។ ប្រភេទមេរោគដែលគេរកឃើញនេះ បានផ្ដល់លទ្ធភាពឲ្យក្រុមអ្នកស្រាវជ្រាវ អាចចម្រាញ់ចេញជា ជីវឥន្ធនៈ ដែលអាចប្រើជំនួសប្រេង ឬឧស្ម័នសម្រាប់ឲ្យយានយន្តដំណើរការបាន។
នាឱកាសបើកសិក្ខាសាលាយុវជនថ្នាក់ជាតិលើកទី ៥ ស្ដីពី “ការរៀបចំខ្លួនដើម្បីជោគជ័យក្រោយពេលបញ្ចប់កម្រិតមធ្យមសិក្សា ទុតិយភូមិ” កាលពីថ្ងៃទី ២៨ ខែសីហាឆ្នាំ២០១១ Sabay បានដាក់តាំងបង្ហាញផលិតផលកុំព្យូទ័រ Laptop ម៉ូដែល H2 របស់ខ្លួន និងដែលទទួលបានការចាប់អារម្មណ៍ និងគាំទ្រពីយុវវ័យដែលបានចូលរួមនាពេលនោះ។
សម្រាប់សប្ដាហ៍នេះដែរ Sabay បានចុះផ្សាយ ទូរស័ព្ទដៃចំនួន១០គ្រឿងដែលមានតម្លៃថ្លៃបំផុត លើលោកនាពេលបច្ចុប្បន្ននេះ ក្នុងនោះពីរម៉ូដែលរបស់ក្រុមហ៊ុន Nokia គឺ NOKIA LAMBORGHINI 8800 SIROCCO និង GOLD EDITION NOKIA 8800 ស្ថិតក្នុងចំណោមម៉ាកទូរស័ព្ទដែលមានតម្លៃថ្លៃបំផុត។
ក្រៅពីទូរស័ព្ទដែលមានតម្លៃថ្លែបំផុតនោះ រថយន្តដែលមានល្បឿនលឿនបំផុតសម្រាប់ឆ្នាំ ២០១១-២០១២ នេះក៏ស្ថិតក្នុងចំណោម Topic ដែលទទួលបានការ Comment ច្រើនពីមិត្តៗយុវវ័យផងដែរ។Koenigseg Agera ឈរនៅទីកំពូលតារាង ក្នុងនាមជាប្រភេទរថយន្តដែលមានល្បឿនលឿនបំផុតជាមួយល្បឿន ៤៣៩ គ.ម/ម៉ោង ហើយរថយន្តមួយគ្រឿងនេះមានតម្លៃ ២.១ លានដុល្លារអាមេរិក។
សម្រាប់ឆ្នាំសិក្សាថ្មី ២០១១-២០១២ នេះមុខវិជ្ជាព័ត៌មានវិទ្យា បានក្លាយជាទីចំណាប់អារម្មណ៍សម្រាប់យុវវ័យមិនថាតែទីជនបទ ឬទីក្រុងនោះទេ។ តាមការឲ្យដឹងគេមានជំនឿថា មុខវិជ្ជាមួយនេះចំនួនសិស្សនឹងមានសន្ទុះកើនឡើងជាងឆ្នាំកន្លងទៅ៕
ល្អសប្បាយ អរគុណនូវ ពត៏មានដែល សប្បាយ ផ្តល់ឲ ខ្ញុំចូលចិត្ត។