សំណល់កាសែតអាចចម្រាញ់ជាប្រេងបាន? Trackback
កាលពីចុងសប្ដាហ៍កន្លងទៅ ក្រុមអ្នកស្រាវជ្រាវប្រចាំសាកលវិទ្យាល័យTulane ដែលមានទីតាំងស្ថិតនៅទីក្រុង ញូអៀឡេនស៍ រដ្ឋឡូសៀនណា សហរដ្ឋអាមេរិក បានចេញសេចក្ដីប្រកាសជាសាធារណៈថា ក្រដាសកាសែតចាស់ៗអាចចម្រាញ់ចេញជាប្រេងជីវឥន្ធនៈ ប្រើជំនួសឥន្ធនៈបាន។
ប្រភេទបាក់តេរីថ្មី ហើយប្លែកម្យ៉ាងដែលត្រូវបានក្រុមអ្នកស្រាវជ្រាវទាំងនោះរកឃើញគឺមានឈ្មោះថា «TU-103»។ ប្រភេទមេរោគដែលទើបនឹងរកឃើញនេះ បានផ្ដល់លទ្ធភាពឲ្យក្រុមអ្នកស្រាវជ្រាវ អាចចម្រាញ់ចេញជា ជីវឥន្ធនៈ ដែលប្រើជំនួសប្រេង ឬឧស្ម័នសម្រាប់ឲ្យយានយន្តដំណើរការបាន។ ដំណើរការនៃចម្រាញ់គឺ គេបំបែកសាច់ឈើ ដែលមានក្នុងក្រដាសកាសែតចាស់ៗទាំងនោះ ឲ្យទៅជាបង់តាណុល ព្រោះប៉ង់តាណុលជាប្រភេទជីវឥន្ធនៈ ដែលអាចប្រើជំនួសឥន្ធនៈបាន។
ក្រុមអ្នកវិទ្យាសាស្ត្រ ប្រចាំសាកលវិទ្យាល័យTulane របស់សហរដ្ឋអាមេរិក
TU-103 មិនមែនមានតែក្នុងសាច់ឈើដែលបានគ្រប់ទិសទីលើភពផែនដីប៉ុណ្ណោះទេ ប៉ុន្តែគេក៏រកឃើញពីក្នុងលាមកសត្វតាំងពីដំបូងមកម្ល៉េះ។ “អ្វីដែលសំខាន់បំផុតសម្រាប់របកគំហើញបាក់តេរី TU-103គឺ លទ្ធភាពក្នុងការចំរាញ់ចេញជាប៉ង់តាណុលពីសាច់ឈើដោយផ្ទាល់”។ នេះបើតាមការបញ្ជាក់របស់លោកបណ្ឌិត David Mullin អ្នកទទួលបន្ទុកផ្នែកមន្ទីរពិសោធន៍ប្រចាំសាកលវិទ្យាល័យស្រាវជ្រាវTulane។
អ្នកវិទ្យាសាស្ត្ររូបនេះបានបន្តទៀតថា របកគំហើញថ្មីនេះ មិនត្រឹមតែជួយកាត់បន្ថយតម្លៃរបស់ប្រេងលើពិភពលោកប៉ុណ្ណោះទេ ប៉ុន្តែជីវឥន្ធនៈដែលទើបនឹងរកឃើញនេះ ក៏មានតួនាទីកាត់បន្ថយកាបូនឌីអុកស៊ីដ(Co2) និងការបំពុលដោយផ្សែងពុល ពីសំណល់ដូចដែលយើងប្រើប្រេងឥន្ធនៈនោះទេ។
នេះអាចចាត់ទុកថាជាដំណឹងល្អណាស់មែនទេ? បើគេអាចយកសាច់ឈើ ដែលដុះគ្រប់ទីកន្លែងមកចម្រាញចេញជាប៉ង់តាណុល(ជីវឥន្ធនៈ) បានមែន តើតម្លៃប្រេងជាសាកលនឹងធ្លាក់ថ្លៃមែនឬ? ចុះតម្លៃលើទីផ្សារកម្ពុជាយ៉ាងម៉េចដែរ?
ដោយ៖ ចិត្ថាយា
ប្រាកដជាចុះនៅសល់៥៩០០រៀលក្នុងមួយលីត
នៅកម្ពូជាប្រាកដជាចុះនៅសល់៥៩០០រៀលក្នុងមួយលីត
I Hope 4000/L
សង្ឃឹមថា ចុះសល់ត្រឹម៣០០០រៀលចុះក្រោម
សង្ឃឹមថាប្រេងនៅកម្ពុជាចុះថ្លៃ ត្រឹម ៣៥០០/ល ចុះ
កុំសង្ឃឹម
សង្ឃឹមថាឡើងទៅដល់ ១០០០០/មួយលីត្រ។ ខ្ញុំជឿជាក់ ១០០% ថាប្រាកដជាបាន ក្នុងពេលឆាប់។ ស្រុកខ្មែរចឹង អាប្រេងនៅគេកំពុងចុះថោក នៅខ្មែររឹតតែឡើងថ្លៃ។
សម្រាប់ខ្ញុំវិញយល់ថា ប្រេងនិងធ្លាក់ថ្លៃ ហើយអ្វីដែលបារម្ភពីការរកឃើញនេះគឺថា ឈើនឹងឡើងថ្លៃ វិញ វាជំនួនឲ្យតម្លៃ ប្រេង មានទេ ?
មិនដឹងជាឆ្នាំណាទេទើបបច្ចេកវិទ្យានេះត្រូវបានគេប្រើជាផ្លូវការ