ព័ត៌មានសេដ្ឋកិច្ច / សេដ្ឋកិច្ចអន្តរជាតិ
សន្ទស្សន៍តម្លៃម្ហូបអាហារនៅតែកើនឡើង
អង្គការស្បៀង និង កសិកម្មនៃអង្គការសហប្រជាជាតិ បានអោយដឹងថា តម្រូវការស្បៀងរបស់អតិថិជន នៅតាមបណ្តាប្រទេស ដែលមានសេដ្ឋកិច្ចរីកចំរើន នឹងកើនឡើង ហើយចំនួនប្រជាជនក៏មានការកើនឡើងផងដែរ ហើយកំណើនជីវឥន្ធនៈក៏នឹងជំរុញ អោយមានតម្រូវការស្បៀងបន្ថែមទៀត តាមប្រព័ន្ធផ្គត់ផ្គង់ស្បៀង ។ តាមរបាយការណ៍របស់អង្គការ FAO បានអោយដឹងបន្តថា ចំនួនប្រជាជនដែលកំពុងប្រឈមនឹងទុរភិក្ស បានធ្លាក់មកនៅត្រឹម ៩២៥លាននាក់នៅឆ្នាំ២០១០ ធៀបនឹងចំនួន ១ពាន់លាននាក់កាលពីឆ្នាំ២០០៩ ។ ចំពោះការប្រែប្រួលតម្លៃស្បៀង អាចកាត់បន្ថយការទទួលបានជីវជាតិ អាហាររបស់កុមារ ហើយកង្វះជីវជាតិអាហារនេះ នឹងធ្វើអោយសតិបញ្ញាស្មារតីធ្លាក់ចុះ ព្រមទាំងធ្វើអោយ ប្រាក់ចំណូលធ្លាក់ចុះ ដែលកង្វះជីវជាតិរបស់កុមារ ដែលមានន័យថា ភាពក្រីក្រនាពេលអនាគតនឹងកើតឡើង និងមានផលប៉ះពាល់ជាអវិជ្ជមានទៅដល់សេដ្ឋកិច្ចរបស់ប្រទេសទាំងមូល ។ និង បញ្ហាកង្វះធនធានដែលកំពុងតែកើតមាន ក៏ដូជាការធ្លាក់ចុះនៃកំណើនទិន្នផលស្បៀង ជាពិសេសទិន្នផលស្រូវ នឹង ស្រូសាលី ។ រីឯការប្រែប្រួលស្បៀង អាចនឹងឡើង ដោយសារតែទំនាក់ទំនងកាន់តែខ្លាំងរវាង ទីផ្សារកសិកម្ម និងទីផ្សារថាមពល ក៏ដូចជាកំណើនគ្រោះមហន្តរាយ ដែលបង្កឡើង ដោយការប្រែប្រួលអាកាសធាតុ ។ FAO បានបន្តអោយដឹងទៀតថា ស្បៀងទំនងជានៅតែមានតម្លៃខ្ពស់ និងប្រែប្រួលខ្លាំងដដែល ខណៈតម្រូវការស្បៀងកើនឡើង ដោយសារតែកំណើនសេដ្ឋកិច្ច កំណើនប្រជាជន និងការប្រើប្រាស់ប្រេង ដែលផលិតចេញពីផលដំណាំផ្សេងៗ កាន់តែមានលក្ខណៈច្រើនឡើង។ដោយឡែកធនាគារពិភពលោកក៏បានអោយដឹងផងដែរ
ថាតម្លៃស្បៀងកើនឡើងខ្ពស់បានជំរុញអោយមនុស្សជាង៤៤លាននាក់ ធ្លាក់ចូលក្នុងភាពក្រីក្រ ចាប់តាំងពីខែមិថុនា ឆ្នាំ២០១០ មកម្ល៉េះ៕
ថាតម្លៃស្បៀងកើនឡើងខ្ពស់បានជំរុញអោយមនុស្សជាង៤៤លាននាក់ ធ្លាក់ចូលក្នុងភាពក្រីក្រ ចាប់តាំងពីខែមិថុនា ឆ្នាំ២០១០ មកម្ល៉េះ៕
សន្ទស្សន៍តម្លៃម្ហូបអាហារនៅតែកើនឡើង... 11-10-2011 | |||
ទំព័រ 1 នៃ 1
|