چوتھی سالگرہ اردو محفل کے چوتھے سالانہ جشن کا آغاز

​

السلام علیکم اہل محفل،


سب سے پہلے آپ سب کو اردو محفل کی چوتھی سالگرہ بہت مبارک ہو۔ محفل کی سالگرہ کے جشن کا آغاز تو آج صبح سے ہی کرنا تھا، لیکن کچھ دیر ہو گئی۔۔اعجاز انکل کا بہت شکریہ۔ جن کے تھریڈ کھولنے سے کچھ تو پتہ چلا کہ آج واقعی محفل کی سالگرہ ہے۔محفل کو نئے سٹائل میں دیکھ کر بھی بہت خوشی ہو رہی ہے، جس کے لیے نبیل بھائی کا بہت شکریہ۔

تو آئیں اب ہم باقاعدہ اپنے جشن کا آغاز کرتے ہیں۔ سالگرہ کے جشن کا پروگرام ابن سعید نے ترتیب دیا تھا جو تقریباً چھ ہفتوں پر مشتمل ہے۔ ان چھ ہفتوں کے پروگرام پر ایک بار پھر نظر ڈالیں گے۔ اور اس کے ساتھ ساتھ تمام محفل اراکین کو اپنے خیالات کا اظہار کرنے کا موقع دیا جائے گا۔

لیکن اس سے پہلے بتاتی چلوں کہ پچھلے سال کی طرح میں یہ سال بھی نبیل اور زکریا کے نام ہی کرنا چاہوں گی۔ اور جشن کے دوران ہمارے مہمانانِ خصوصی بھی اردو ویب کے منتظمینِ اعلٰی نبیل، زکریا اور شمشاد بھائی ہوں گے۔ پچھلی بار سالگرہ کے آغاز پر کچھ ایسا لگا تھا کہ اس بار اراکین میں سالگرہ کا جشن منانے کے لیے جوش کم ہے۔ لیکن جب ہم نے سالگرہ منانے پر آئے تو میرے خیال میں پچھلے سال کی سالگرہ اب تک کی بہترین سالگرہ منائی گئی ہے۔ اس بار بھی اراکین میں کوئی خاص جوش و خروش نظر نہیں آ رہا تو امید کرتے ہیں کہ جشن کے آغاز کے بعد ہی اراکین جوش میں آ جائیں گے اور اس سالگرہ کو بھی بہترین سالگرہ بنانے کی کوشش کریں گے۔

جیسا کہ آپ سب کو پروگرام کا علم ہے ہی۔۔ لیکن ایک بار پھر پوسٹ کر دوں۔ ہر ہفتے کے آغاز پر ہر ہفتے کے ناظمین نیا دھاگہ کھولیں گے۔۔ جس کے بارے میں مکمل معلومات آپ کو وہاں مل جائیں گی۔(اگر پروگرام میں کوئی غلطی ہے یا اس کو بدلنا چاہتے ہیں تو اس میں آسانی سے ردو بدل کی جا سکتی ہے۔)
- ہفتہ ابتدائیہ (تعارفی اور تفریحی پیغامات پر مشتمل) (یکم سے سات جولائی)
- ہفتہ لائبریری (٨ سے ١٤ جولائی)
- ہفتہ ٹیکنالوجی (١٥ سے ٢١ جولائی)
- ہفتہ ادب ( ٢٢ سے ٢٨ جولائی )
- ہفتہ فیشن/پکوان/ملٹی میڈیا وغیرہ (٢٩ جولائی سے ٤ اگست)
- ہفتہ اختتامیہ (٥ سے ١١ اگست)

- سات جولائی تک ہم پہلا ہفتہ منائیں گے۔ کچھ دیر تک میں تعبیر کا بنایا ہوا ایک کوئز پوسٹ کروں گی۔ اور فہیم نے بھی سالگرہ کے موقع پر ایک کوئز بنایا ہے۔ جو آپ یہاں دیکھ سکتے ہیں۔
اس کے علاوہ ایوارڈز کے نتائج کا اعلان آخری ہفتے سے پہلے کر دیا جائے گا۔

آئیں۔۔۔اس اس سال بھی محفل سے اپنی محبت کا اظہار سالگرہ کے جشن کو کامیاب بنا کر کریں۔

​

]

 

1۔ اردو محفل کوئز
2۔ اردو محفل انٹرویو

 

چلو دیر آید درست آید۔۔ وہ تو مجھے بے چینی ہو رہی تھی کہ یہاں ہندوستان میں صبح کے دس بجے تک بھی کچھ نہیں تھا، بلکہ رات تک بھی محض میری تھریڈ پر ہی آمد و رفت رہی۔ بہر حال وہ تانا بانا محض Stop Gap arrangement تھا، شکریہ ماورا اب با قاعدہ قاعدے سے شروع کرنے کا۔

 

بہت خوب !

اس بار بھی انشاءاللہ بہت اچھی رہے گی سالگرہ !

 

بہت خوب۔۔۔ سالگرہ کے موقع پر اردو محفل کو نئے رنگوں میں دیکھ کر خوشی ہوئی۔

 

بہت شکریہ میری طرف سے بھی سب کو محفل کی سالگرہ مبارک ہو پچھلے سال تو بہت مزہ آیا تھا امید کرتے ہیں اس سال بھی بہت مزہ آئے گا
آپ سب کا ساتھ ہوا تو

 

بہت بہت مبارک ہو آپ سب کو
محفل
کی
سالگرہ مبارک
ہو ​

 

واعلیکم السلام

اردو محفل کو سالگرہ بہت مبارک

 

میری طرف سے اردو محفل کے اراکین کو محفل کی سالگرہ مبارک۔
اردو محفل کے منتظمین خصوصی طور پر مبارکباد کے مستحق ہیں جن کی بدولت ہمیں اپنی زبان میں اظہارِ خیال کرنے کا ایک بہترین پلیٹ فارم ملا ہے۔
میری دعا ہے کہ اردو محفل اسی طرح دن دگنی رات چگنی ترقی کرے۔ آمین

شکریہ محترمہ ماوراء صاحبہ تقریب کا باضابطہ آغاز کرنے کیلیے۔

 

ماورا کی تقریر سے سالگرہ کا آغاز ہو گیا ہے اور اب امید ہے کہ جلد ہی اس میں رنگ بھرنے والے ہیں۔

ماورا تم خود کہاں ہو بھلا

 

کہاں ہے نئے رنگ
میری طرف تو اب بھی نیلی اور سفید ہے

 

محفل کر رنگ ہم سب کے سنگ سنگ۔۔۔ اردو محفل زندہ باد!

 

ہاں، ابھی تو آغاز ہے۔۔ انشاءاللہ چھ ہفتے خوب مل کر منائیں گے۔
لیکن تم کہاں ہو؟ مجھے تو تمھارے پچھلے سال کے کھانے پینے کے انتظامات یاد آ رہے تھے۔
میں یہیں ہوں۔۔لیکن بدھ سے اتوار تک ذرا مصروفیت ہیں۔۔۔ پھر اگلے ہفتے کے تین دن فارغ ہوں۔

 

اردو محفل کے تمام اراکین کو اردو محفل کی چوتھی سالگرہ بہت بہت مبارک ہو۔

انشاء اللہ یہ سالگرہ بھی بہت دھوم دھام سے منائی جائے گی۔

 

- اردوویب پری-کے میں (زیک)
- محفل فورم کی چوتھی سالگرہ کے موقعے پر! (نبیل)
- مثنوی اردو محفل - اردو محفل کو سالگرہ مبارک ۔ (محمد وارث)
- محفل کے ارکان کے بارے میں اشعار لکھیں/ تک بندی کریں (نبیل)
- - لائیو کوریج : چوتھا جشنِ سالگرہ (خرم شہزاد خرم)

 

ہفتہ لائبریری (٨ سے ١٤ جولائی) ​

ہفتہء لائبریری کا آغاز​

 

ماوراء ہفتہ لائبریری میں کیا ہو گا اور کہاں ہو گا؟؟؟
خرم شہزاد کا بھی پٰیغام تھا وزیٹرز پیج پر پر مجھے سمجھ ہی نہیں آ رہا

 

تعبیر، اوپر والی پوسٹ میں شگفتہ کے کھولے ہوئے تھریڈ کا لنک دیا ہے۔ اور ہفتہ لائبریری میں بہت کچھ کرنا ہے۔