جشنِ آزادی مبارک

سب پاکستانيوں کو ميری طرف سے ٥٨ جشنِ آزادی مبارک ہو۔ اس سلسے ميں احمد فراز کی ايک نظم يھاں ارسال کر رہا ہوں جو حقائق سے اتنا زيادھ بعيد بھی نہيں ہے۔۔

اب کس کا جشن مناتے ہو؟
اب کس کا جشن مناتے ہو اس ديس کا جو تقسيم ہوا
اب کس کے گيت سناتے ہو اُس تن من کا جو دو نيم ہوا
اُس خواب کا جو ريزہ ريزہ اُن آنکھوں کی تقدير ہوا
اُس نام کا جو ٹکڑا ٹکڑا گليوں ميں بے توقير ہوا
اُس پرچم کا جس کی حُرمت بازاروں ميں نيلام ہوئی
اُس مٹی کا جس کی حُرمت منسوب عدو کے نام ہوئی
اُس جنگ کا جو تم ہار چکے اس رسم کا جو جاری بھی نہيں
اُس زخم کا جو سينے پہ نا تھا اُس جان کا جو واری بھی نہيں
اُس خون کا جو بد قسمت تھا راہوں ميں بہايا تن ميں رہا
اُس پھول کا جو بے قيمت تھا آنگن ميں کھِلا يا بَن ميں رہا
اُس مشرق کا جس کو تم نے نيزے کی انی مرہم سمجھا
اُس مغرب کا جس کو تم نے جتنا بھی لُوٹا کم سمجھا
اُن معصوموں کا جن کے لہو سے تم نے فروزاں راتيں کيں
يا اُن مظلوموں کا جِن سے خنجر کی زباں ميں باتيں کيں
اُس مريم کا جس کی عفت لُوٹی ہے بھرے بازاروں ميں
اُس عيسی کا جو قتل ہے اور شامل ہے غم خواروں ميں
اِن نوحھ گروں کا جِن نے ہميں خود قتل کيا خود روتے ہيں
ايسے بھی کہيں دم ساز ہوئے ايسے جلاد بھی ہوتے ہيں
اُن بھوکے ننگے ڈھانچوں کا جو رقص سرِ بازار کريں
يا اُن ظالم قذاقوں کا جو بھيس بدل کر وار کريں
يا اُن جھوٹے اقراروں کا جو آج تلک ايفاء نا ہوئے
يا اُن بے بس لاچاروں کا جو اور بھی دُکھ کا نشانہ ہوئے
اِس شاہی کا جو دست بدست آئی ہے تمہارے حصے ميں
کيوں ننگِ وطن کی بات کرو کيا رکھا ہے اِس قصے ميں
آنکھوں ميں چھپائے اشکوں کو ہونٹوں ميں وفا کے بول لئے
اِس جشن ميں بھی شامل ہوں نوحہ بھرا کشکول لئے