Labis ang kaligayahan ng 39 taong gulang na guwardiyang si Erwin Macua matapos malaman nitong Lunes na pumasa siya sa licensure examination para sa mga nagnanais maging guro.
"The exam was really hard. I was less studious during my review for I had to juggle the whole-day review and my work as a guard. Prayer was the key," ani Erwin sa panayam ng ABS-CBN News.
(Mahirap iyong pagsusulit. Hindi ako gaanong nagsipag sa pagbabalik-aral dahil kinailangan ko itong isabay sa aking trabaho bilang guwardiya. Dasal ang susi.)
Nagtapos bilang Cum Laude si Macua sa St. Theresa's College, ang paaralang kaniyang pinagtatrabahuhan, noong Marso.
Ipinagmalaki din si Erwin ng kaniyang anak na si Jean Vincent, na iskolar din sa isang pribadong paaralan sa Cebu.
"He set a good example to us so hopefully I can follow his footsteps to somehow be successful," ani Jean Vincent.
(Isa siya mabuting halimbawa kaya sana makasunod ako sa mga yapak niya at maging matagumpay.)
Balak ngayon ni Macua na iwanan ang kaniyang trabaho bilang guwardiya.
Pursigido si Macua na makakuha ng trabaho bilang guro sa susunod na taon.
-- Ulat ni Donna Lavares, ABS-CBN News
Bisitahin ang
Patrol.PH para sa iba pang mga balita.