#alternate Soppi Wikipedia (wo)

Saltige

   Jóge Wikipedia.
   Sauter à la navigation Sauter à la recherche

   Saltige, benn tur la, ci cosaanu Séeréer yi ak Pël, bu ñuy woowee
   boroom xam xam yi.

Cosaanu baat bi[Soppi • soppi gongikuwaay bi]

   Saltige, ci lakku bambara (bamanakan) la juge. Ci bambara, noonu lañu
   ko xajalee:
     * Sila (mooy yoon wi)
     * Tigi (mooy njiit bi).

   Kon, Silatigi, ca njeelbeen, mooy kepp kuy jiite yoon wi.

Saltige Séeréer yi, ak Silatigi bu Fuuta Tooro[Soppi • soppi gongikuwaay bi]

   Ci seereer yi, Saltige bi, mooy kuy yoree mbirum xam xam yi. Ñoo yoree
   mbirum paj ak gisaan, ci askan wi. Gëdd bu mag lañu yoroon, ndax ñoom a
   tax ñu mënoon wuti safaara ci lu demoon ci wallu bey mi, nawet gi, ak
   yeneen coono yi askan wi jankoontel. Dañoo dendoon lool nguur gi
   (Siin-Saalum), buuri seereer yi, di leen yegle ak di leen digal lu
   bare, ngir buuri yoree nguur gi ci añam yu rafet, reew mi jem kanam te
   am jamm. Ci seereer yi, nekk Saltige, ndono la. Lebu yi ñu xam ni, seen
   maam, ay seereer lañu woon ci lu ëpp, ba tey, am nañu tamit seen
   Saltige, di bokk ci mbootaayu ñooñu nekk ca kaw askanu Lebu, Seriñ
   Ndakaaru bi moo leen jiite.

   Fuuta-Tooro nag, Silatigi bi, buur la woon, moo doon yoree nguur gi.
   Deeniyaɲkooɓe yi, giir gu daan jiite reewum Fuuta, ci diggante 1526 ba
   1778, seen buur, Silatigi lañu ko daan woowee, wante laata Fuuta-Tooro
   nekk seeni nguur, buur yi fa nekkoon, yeneen tur lañu amoon. Silatigi
   boobu, da naroon bokk ci geño Koly Teɲella ku sos giir googu.

   Tey, ci Pël yi, Saltige amaatul. Waaye ci Seereer yi ba tey, Saltige yi
   ñungi wey li ñu doon def demb, di faj ñooñu febar japp, te ñepp xam
   neen xeew bi ñu tudd Xoy, ci dëkku Seereer yi, laata nawet gi agsi,
   Saltige yi ñu def ko ngir yegal askan wi mbaa nawet gi dina neex am
   det, ak yeneen xibaar bu mëna jëm ci wallu nguur gi, ak yeneen. Bu ñu
   jeexe li, su de dañoo gis lu bon a bugga ñow ci dëkk, di nañu digal ay
   saaxaar, nit ñi war ko def, ngir lu bon baña agsi. Ci lebu yi, dañoo
   yengu ci Ndœp, di ay tuur, ngir faj nit ñi.
   Ci « https://wo.wikipedia.org/w/index.php?title=Saltige&oldid=90527 »
   lañ ko jële

Njëlu joowiin

Samay jumtukaay

     * Duggoo de
     * Waxtaan ak bii IP
     * Cëru
     * Sos am sàq
     * Dugg

Barabu tur

     * Jukki
     * Waxtaan

   [ ]

Wuute

Wonewiin

     * Jàng
     * Soppi
     * Soppi gongikuwaay bi
     * Wone jaar-jaaram

   [ ]

Yeneen

Seet

   ____________________ Seet Ayca

Joowiin

     * Xët wu njëkk
     * Askan
     * Coppite yu mujj
     * Aw xët ci mbetteel
     * Ndimbal

Móol/génne

     * Sos ab téere
     * Yebbi niki PDF
     * Sumb bu móolu

Boyotu jumtukaay yi

     * Xët yi mu lëkkalool
     * Coppite yi ko ñeel
     * Yeb ab dencukaay
     * Xëti jagleel
     * Lëkkalekaay yu fi nekkandi
     * Xibaar ci xët wi
     * Yëf Wikidata
     * Tudd wii xët

Yeneeni làkk

   Ajouter des liens

     * Coppite bu mujj bu xët wii 18 Nowembar 2012 ci 03:28.
     * Jàppandig ëmbéef lee ngi sukkadiku ci Creative Commons Attribution-
       Séddoo ci genn anam gi; Man nañoo sukkadiku itam ci yeneen anam.
       Xoolal anami jëfandiku gi ngir yeneeni leeral.

     * Politigu sutura
     * Ci mbiri Wikipedia
     * Ay aartu
     * Suqalikat
     * Statistiques
     * Déclaration sur les témoins (cookies)
     * Woneyiin bu mobil

     * Wikimedia Foundation
     * Powered by MediaWiki