Усе гэтыя выплаты фізічным асобам трэба зрабіць да 15 лістапада.
Падатак на нерухомасць і зямельны падатак плацельшчыкамі-фізічнымі асобамі выплачваюцца на падставе паведамлення падатковага органа, якое ўручаецца штогод да 1 верасня адным з наступных спосабаў:
– лістом па пошце;
– праз асабісты кабінет плацельшчыка на сайце Міністэрства па падатках і зборах Рэспублікі Беларусь (далей – асабісты кабінет плацельшчыка).
Фізічным асобам, якія маюць асабісты кабінет плацельшчыка, паведамленні накіроўваюцца праз яго. У выпадку накiравання паведамленні праз асабісты кабінет плацельшчыка паведамленне на папяровым носьбіце фізічнай асобе не накіроўваецца.
Калі грамадзянін забыў пароль для ўваходу ў асабісты кабінет плацельшчыка, можна звярнуцца ў любую бліжэйшую падатковую інспекцыю незалежна ад месца пражывання або рэгістрацыі ў якасці плацельшчыка.
Заплаціць можна адным з наступных спосабаў:
– з дапамогай інтэрнэт-банкінгу, у тым ліку ў асабістым кабінеце плацельшчыка;
– праз інфакіёск;
– у любым аддзяленні банка або на пошце.
Падрабязную інфармацыю па маёмасных плацяжах можна ўдакладніць у падатковай інспекцыі па месцы знаходжання аб’ектаў нерухомасці і (або) зямельных участкаў.
Даведадка
Доступ да сэрвісу «Асабісты кабінет плацельшчыка для фізічных асоб» можна атрымаць і без асабістага звароту ў падатковую інспекцыю – з выкарыстаннем працэдуры ідэнтыфікацыі фізічнага асобы з дапамогай міжбанкаўскай сістэмы ідэнтыфікацыі (далей – МСІ).
Прайсці рэгістрацыю ў асабістым кабінеце плацельшчыка праз МСІ могуць фізічныя асобы, якія не маюць ўліковага запісу ў асабістым кабінеце плацельшчыка на партале Міністэрства па падатках і зборах і якія стаяць на ўліку ў падатковых органах. Для рэгістрацыі з дапамогай названага сервісу неабходна наяўнасць ўліковага запісу ў асабістым кабінеце МСІ. Пры адсутнасці ўліковага запісу ў асабістым кабінеце МСІ элемент можа прайсці працэдуру самарэгістрацыю на афіцыйным сайце ААТ «НКФА» АРІП.